ភ្នំពេញ៖ ធនាគារអភិវឌ្ឍន៍ជនបទ និងកសិកម្ម (ARDB) និងធនាគារឧស្សាហកម្ម និងពាណិជ្ជកម្មនៃប្រទេសចិន(ICBC) សាខាភ្នំពេញ បានពិភាក្សាលើការផ្តល់ឥណទានរួមគ្នា ដើម្បីគាំទ្រដល់គម្រោងកសិកម្មបៃតង និងការអភិវឌ្ឍប្រកបដោយចីរភាពនៅកម្ពុជា។

ជាមួយគ្នានេះ ភាគីទាំងពីរ បានពិភាក្សាលើការបង្កើនទំហំពាណិជ្ជកម្មកម្ពុជា-ចិន តាមរយៈប្រព័ន្ធទូទាត់ប្រាក់ឆ្លងដែន (CIPS) ដោយមានធនាគារ ICBC ភ្នំពេញ ជាធនាគារអន្តរការី របស់ធនាគារ ARDB ដើម្បីសម្រួលដល់ប្រតិបត្តិការហិរញ្ញវត្ថុ។

ក្នុងកិច្ចពិភាក្សា កាលពីថ្ងៃទី៣០ ខែមេសា ឆ្នាំ២០២៦ ធនាគារទាំងពីរ ក៏មានគោលបំណងជំរុញការអនុវត្តអនុស្សរណៈយោគយល់គ្នា និងលើកកម្ពស់កិច្ចសហប្រតិបត្តិការហិរញ្ញវត្ថុរវាងស្ថាប័នទាំងពីរឱ្យកាន់តែប្រសើរឡើង៕