ភ្នំពេញ៖ មូលនិធិអភិវឌ្ឍន៍ជំនាញ (SDF) សហការជាមួយ សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC), វិទ្យាស្ថានបណ្តុះបណ្តាលកាត់ដេរកម្ពុជា (CGTI) និងទីភ្នាក់ងារជាតិមុខរបរ និងការងារ (NEA) គាំទ្រលើការអភិវឌ្ឍជំនាញផ្នែកកាត់ដេរ និងផ្ដល់ឱកាសការងារដល់បងប្អូនដែលទើបត្រឡប់មកពីក្រៅប្រទេសចំនួន ៤,៣០០នាក់ (ស្ត្រី ២,៥៨០នាក់) ពីកម្មវិធី «ជំនាញខ្ញុំ ការងារខ្ញុំ»។

តាមរយៈកម្មវិធី «ជំនាញខ្ញុំ ការងារខ្ញុំ» បងប្អូនដែលទើបត្រឡប់ពីក្រៅប្រទេសទទួលបានការបណ្ដុះបណ្ដាលជំនាញច្បាស់លាស់ ដែលត្រូវនឹងតម្រូវការទីផ្សារការងារក្នុងស្រុក និងប្រាក់ចំណូលសមរម្យ។

កម្មវិធី «ជំនាញខ្ញុំ ការងារខ្ញុំ» នៅតែបើកបន្ដការគាំទ្រដល់ម្ចាស់រោងចក្រ-សហគ្រាសគ្រប់កម្រិត និងពីគ្រប់វិស័យទាំងអស់ រួមទាំងគ្រឹះស្ថានបណ្ដុះបណ្ដាល និងភ្នាក់ងារជ្រើសរើសបុគ្គលិក ដែលមានតម្រូវការអភិវឌ្ឍជំនាញជូនបងប្អូនទើបត្រឡប់ពីក្រៅប្រទេស ដោយក្នុងនោះ អាចទំនាក់ទំនងមកកាន់ទូរសព្ទលេខ ០៧៧ ៣៦៥ ២៩៤ / ០២៣ ៩០១ ៥៨៣។

សម្រាប់យុវជន អ្នកស្វែងរកការងារ និងជាពិសេសបងប្អូនដែលទើបត្រឡប់មកពីប្រទេសក្រៅ ដែលមានបំណងចង់ចូលរួមវគ្គបណ្តុះបណ្តាល និងទទួលបានការងារ អាចទាក់ទងទៅកាន់ NEA តាមរយៈទូរសព្ទលេខ ០៧៦ ៨៦៣ ៣៤៨៤ / ០១៦ ៧៨៦ ៦៥៥ / ០៨៨ ៣៥៩ ៥៤៣៦ / ០៧១ ៤៨៨ ៨៩០៥។

សាធារណជន អាចទស្សនាពីចំណាប់អារម្មណ៍របស់បងប្អូន ដែលបានបញ្ចប់វគ្គបណ្ដុះបណ្ដាលជំនាញដេរ និងទទួលបានការងារធ្វើនៅរោងចក្រកាត់ដេរសម្លៀក បំពាក់ក្នុងខេត្ដកំពង់ឆ្នាំងតាមរយៈតំណភ្ជាប់ https://youtu.be/TTj8xd6ZIiQ?si=2RIgjnujXLmi4r9a។ ព័ត៌មានថ្មីៗអំពី SDF៖ https://s.mtrbio.com/skills-development-fund ៕