ភ្នំពេញ៖ សហគ្រិនខ្មែរ (KE) នឹងរៀបចំកម្មវិធី «ភាពជាសហគ្រិន ប្រកបដោយសុខុមាលភាព» ជំនាន់ទី២ ដើម្បីផ្តល់ចំណេះដឹង ស្តីពីការស្គាល់ខ្លួនឯង ការថែទាំសុខុមាលភាព ការបញ្ចៀបសុខុមាលភាពក្នុងការគ្រប់គ្រង និងអភិវឌ្ឍន៍អាជីវកម្ម ការគ្រប់គ្រងហិរញ្ញវត្ថុ និងមូលដ្ឋានគ្រឹះឌីជីថលដល់សហគ្រិន។

សិក្ខាកាម ដែលចូលរួមកម្មវិធី «ភាពជាសហគ្រិន ប្រកបដោយសុខុមាលភាព» នឹងត្រូវសិក្សា ១ខែម្តង រៀងរាល់ថ្ងៃព្រហស្បតិ៍ ឬសុក្រ វេលាម៉ោង ៨:០០ព្រឹក ដល់ ៤:៣០រសៀល នៅទីតាំងសហគ្រិនខ្មែរ ដោយក្នុងនោះសិក្ខាកាម នឹងទទួលបានអាហារសម្រន់ និងបាយថ្ងៃត្រង់ ដោយឥតគិតថ្លៃ។ បើតាមការចុះផ្សាយរបស់ WELL Academy ម្ចាស់អាជីវកម្ម អាចចុះឈ្មោះចូលរួមកម្មវិធីខាងលើ តាមរយៈ https://forms.gle/hn2hPMMF9q6C8brZ7 ត្រឹមថ្ងៃទី២៨ ខែកក្កដា ឆ្នាំ២០២៥។

គួរបញ្ជាក់ថា កម្មវិធី ដែលទទួលបានមូលនិធិគាំទ្រពីសហប្រជាជាតិ SK2Fund និងសហគ្រិនខ្មែរ អង្គការវែល និងក្រុមសន្សំប្រាក់នារីនេះ កំពុងផ្តល់អាហារូបករណ៍ដល់សហគ្រិនចំនួន ២០នាក់ ដើម្បីទទួលបានការសិក្សាស្តីពី សហគ្រិនភាពប្រកបដោយសុខុមាលភាព៕