ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យា បានអំពាវនាវឱ្យប្រជាពលរដ្ឋប្រុងប្រយ័ត្នចំពោះ Scam Alert និងកុំចុចលើតំណរភ្ជាប់ក្លែងក្លាយ (Phishing Link) ដែលគ្មានប្រភពច្បាស់លាស់។ នេះបើតាមការចុះផ្សាយរបស់នាយកដ្ឋានប្រឆាំងបទល្មើសបច្ចេកវិទ្យា កាលពីថ្ងៃទី១៦ ខែកក្កដា ឆ្នាំ២០២៥។

Scam Alert គឺជាទម្រង់ឆបោកបន្លំ តំណរភ្ជាប់ក្លែងក្លាយ (Phishing Link) ដែលបន្លំខ្លួនជាក្រុមអ្នកដោះស្រាយបញ្ហាគណនីតេលេក្រាម។ ដើម្បីសុវត្ថិភាព ប្រជាពលរដ្ឋកុំចុចលើតំណភ្ជាប់ណាមួយដែលមិនមានប្រភពច្បាស់លាស់ ដែលតម្រូវឱ្យយើងបំពេញនូវព័ត៌មានផ្ទាល់ខ្លួនឱ្យសោះ៕