ភ្នំពេញ៖ ដើម្បីឆ្ពោះទៅសម្រេចបានការរៀបចំប្រព័ន្ធអេកូឡូស៊ីឌីជីថលសម្រាប់ធុរកិច្ច គាំទ្រដល់ការរផ្តល់សេវាសម្រាប់ធុរកិច្ចប្រកបដោយភាពរស់រវើក ភាពធន់ ប្រទាក់ក្រឡា និងបំពេញឱ្យគ្នាទៅវិញទៅមក រាជរដ្ឋាភិបាលកម្ពុជា បានដាក់ចេញនូវអាទិភាពជាយុទ្ធសាស្ត្រចំនួន៥ ដែលអាទិភាពនីមួយៗ មានវិធានការគន្លឹះជាក់លាក់ក្នុងការអនុវត្ត។

អាទិភាពជាយុទ្ធសាស្ត្រចំនួន ៥នេះ រួមមាន៖ ទី១.ការពិនិត្យឡើងវិញ និងកែសម្រួលសេវា និងនីតិវិធីស្នើសុំ, ទី២. ការអភិវឌ្ឍ និងបន្តធ្វើទំនើបកម្មហេដ្ឋារចនាសម្ព័ន្ធឌីជីថល និងប្រព័ន្ធបច្ចេកវិទ្យាព័ត៌មាន សម្រាប់ផ្តល់សេវាអេឡិចត្រូនិកសម្រាប់ធុរកិច្ច។

ទី៣. ការរៀបចំ និងធ្វើទំនើបកម្មទិន្នន័យគោលឱ្យមានគុណភាពក្នុងក្របខ័ណ្ឌធុរកិច្ច, ទី៤. ការជំរុញការផ្សព្វផ្សាយព័ត៌មានអំពីសេវាអេឡិចត្រូនិកសម្រាប់ធុរកិច្ច និងទី៥.ការលើកកម្ពស់សមត្ថភាពមន្ត្រីផ្តល់សេវា និងការរៀបចំយន្តការគាំទ្រអ្នកប្រើប្រាស់ សេវាអេឡិចត្រូនិកសម្រាប់ធុរកិច្ច៕