ភ្នំពេញ៖ នៅក្រុងបាត់ដំបង រៀបចំព្រឹត្តិការណ៍«ពិព័រណ៍ម្ហូបអាហារ និងបង្អែមខ្មែរ» រយៈពេល៣ថ្ងៃ ដើម្បីអបអរសាទរខេត្តបាត់ដំបង ជាប់ជាខេត្តមានការច្នៃប្រតិដ្ឋលើផ្នែកម្ហូបអាហារ របស់អង្គការ UNESCO និងចូលរួមពិធីឆ្លងឆ្នាំសកល ឆ្នាំ២០២៣ ឈានចូល២០២៤ នៅរាត្រីថ្ងៃទី៣១ ។ 

ព្រឹត្តិការណ៍ពិព័រណ៍នេះ ប្រារព្ធធ្វើឡើងចាប់ពីថ្ងៃទី២៩-៣០-៣១ ខែធ្នូ ឆ្នាំ២០២៣ ហើយនៅថ្ងៃទី៣០ និង៣១ នឹងមានការប្រកួតកីឡាទូកប្រពៃណីខ្នាតអន្តរជាតិទូកនាគ ទូកកានូ កាយ៉ាក់ និង ទូករ៉ូអ៊ីង នៅដងស្ទឹងសង្កែ រួមជាមួយពិធីឆ្លងឆ្នាំសកល ឆ្នាំ២០២៣ ឈានចូល២០២៤ នៅរាត្រីថ្ងៃទី៣១ ផងដែរ៕