ភ្នំពេញ៖ កិច្ចពិភាក្សាធុរកិច្ចតុមូល ស្តីពី កិច្ចព្រមព្រៀងបង្កើតតំបន់ពាណិជ្ជកម្មសេរីអាស៊ាន-អូស្ត្រាលី-នូវែលសេឡង់ (AANZFTA) ២០២៥ នឹងពិភាក្សាផ្ដោតលើពាណិជ្ជកម្មលើសេវាកម្ម ការវិនិយោគ និងពាណិជ្ជកម្មអេឡិចត្រូនិក។ នេះបើតាមការចុះផ្សាយរបស់ សមាគមសហគ្រិនវ័យក្មេងកម្ពុជា នាថ្ងៃទី២១ ខែមេសា ឆ្នាំ២០២៥។

កិច្ចពិភាក្សាធុរកិច្ចតុមូល ដែលធ្វើនៅថ្ងៃទី២៩ ខែមេសា ឆ្នាំ២០២៥ ចាប់ពីម៉ោង ៨:០០ព្រឹក ដល់ ៥:០០ ល្ងាច នៅសណ្ឋាគារ រ៉ាហ្វិល រ៉ូយ៉ាល់ រាជធានីភ្នំពេញនេះ គឺជាកម្មវិធីជួបជជែកពិភាក្សារវាងមន្ត្រីជំនាញ និងអ្នកធុរកិច្ច ដើម្បីពិភាក្សាអំពីរបាំងពាណិជ្ជកម្ម ចែករំលែកបទពិសោធ ចំណេះដឹង និងអត្ថប្រយោជន៍។

កិច្ចព្រមព្រៀងដំឡើងកម្រិត AANZFTA គឺលក្ខខណ្ឌតម្រូវឱ្យមានការនាំចេញ/នាំចូល ដើម្បីគាំទ្រដល់សហគ្រាសធុនតូច និងមធ្យម ដែលកំពុងនាំចេញ ឬកំពុងត្រៀមខ្លួននាំចេញទៅកាន់ទីផ្សារអន្តរជាតិ ជាពិសេសប្រទេសអូស្ត្រាលី និងនូវែលសេឡង់។ ចំពោះសាធារណជន ដែលមានបំណងចូលរួមអាចចុះឈ្មោះ តាមរយៈ https://docs.google.com/forms/d/13sW-tqypMxifZ9smgbGXRE_tcWhDGkxBvWP_FQxRvfw/viewform?edit_requested=true ឱ្យបានមុនថ្ងៃទី២៥ ខែមេសា ឆ្នាំ២០២៥៕