ភ្នំពេញ៖ ក្រសួងពាណិជ្ជកម្ម បានជំរុញឱ្យពាណិជ្ជករ និងសាធារណជនទូទៅ ចូលរួមក្នុងពិព័រណ៍ The Halal Expo 2025 and The 11th World Halal Summit 2025 នៅមជ្ឈមណ្ឌលពិព័រណ៍អីស្ថាន់ប៊ុល ទីក្រុងស៊ីស្ថាន់ប៊ុល ប្រទេសតួកគី ដើម្បីបង្ហាញនវានុវត្តន៍ ផលិតផល និងសេវាកម្មពាក់ព័ន្ធនឹងឧស្សាហកម្មហាឡាល ចាប់ពីថ្ងៃទី២៦-២៩ ខែវិច្ឆិកា ឆ្នាំ២០២៥។

ព្រឹត្តិការណ៍ពិព័រណ៍អន្តរជាតិខាងលើ ដែលនឹងរៀបចំដោយក្រុមហ៊ុន DISCOVER Events នឹងជួយពង្រឹងទំនាក់ទំនងទ្វេភាគី ជំរុញកិច្ចសហប្រតិបត្តិការសេដ្ឋកិច្ច និងបង្កើតវេទិកាផ្លូវការសម្រាប់ភាពជាដៃគូ ការឈានទៅចុះកិច្ចព្រមព្រៀង និងការផ្លាស់ប្តូរគំនិតជាយុទ្ធសាស្ត្រ ដើម្បីធ្វើឱ្យសេដ្ឋកិច្ចហាឡាលពិភពលោក មានភាពធន់ និងរឹងមាំ។ សម្រាប់ជាពាណិជ្ជករ និងសាធារណជន ដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ អាចទំនាក់ទំនង មកបំពេញបែបបទចូលរួម តាមរយៈនាយកដ្ឋានកិច្ចការពិព័រណ៍ អគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម។

សម្រាប់ព័ត៌មានបន្ថែម ពាណិជ្ជករ និងសាធារណជន អាចទំនាក់ទំនងមកមន្ត្រីសម្របសម្រួល តាមរយៈទូរសព្ទលេខ +៨៥៥ ១២ ៧៧៧ ៩៥៩ ឬ +៨៥៥ ៨៩ ៩១១ ១០១ ឬអ៊ីម៉ែល [email protected]/[email protected]។ នេះបើតាមការចុះផ្សាយរបស់ ក្រសួងពាណិជ្ជកម្ម នាថ្ងៃទី៨ ខែមេសា ឆ្នាំ២០២៥៕