SME News

"Unlock business success with SME News!Advertise and connect with entrepreneurs & professionals. Elevate your brand visibility today!"

Contact Telegram

ក្រុមហ៊ុន PFI របស់ជប៉ុន បង្ហាញគម្រោងវិនិយោគលើវិស័យកសិកម្មនៅកម្ពុជា


ក្រុមហ៊ុន PFI របស់ជប៉ុន បង្ហាញគម្រោងវិនិយោគលើវិស័យកសិកម្មនៅកម្ពុជា
A+ A-

ភ្នំពេញ៖ នាយកក្រុមហ៊ុន PFI របស់ជប៉ុន សម្លឹងឃើញសក្តានុពលអាជីវកម្មនៅក្នុងប្រទេសកម្ពុជា និងបង្ហាញបំណងពង្រីកការវិនិយោគរបស់ខ្លួន មកកាន់ប្រទេសកម្ពុជា ដោយផ្តោតលើវិស័យកសិកម្មជាគោល។ ក្នុងជំនួបជាមួយនឹងលោក គីម មូចូ នាយកក្រុមហ៊ុន PFI កាលពីថ្ងៃទី១៦ ធ្នូ សម្តេចធិបតី ហ៊ុន ម៉ាណែត ស្វាគមន៍នូវការបង្ហាញគម្រោងវិនិយោគរបស់ក្រុមហ៊ុនមកប្រទេសកម្ពុជា នាពេលខាងមុខ ដែលនឹងផ្តល់ប្រយោជន៍ផ្ទាល់ដល់ប្រជាកសិករ។

ក្នុងជំនួបពិភាក្សាការងារជាមួយនឹងនាយកក្រុមហ៊ុន Pharma Foods International Co., Ltd. (PFI) នាឱកាសដែលសម្តេចធិបតីនាយករដ្ឋមន្ត្រីកម្ពុជា ចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-ជប៉ុន លើកទី៥០ ចាប់ពីថ្ងៃទី១៥-១៩ ខែធ្នូ ឆ្នាំ២០២៣ នៅទីក្រុងតូក្យូ ប្រទេសជប៉ុន លោក គីម មូចូ បានបង្ហាញពីសកម្មភាពនៃខ្សែច្រវាក់ផលិតកម្មជាច្រើនរបស់ក្រុមហ៊ុន។ ខ្សែច្រវាក់ផលិតផលរបស់ក្រុមហ៊ុន PFI សុទ្ធតែផលិតចេញពីស៊ុតមាន់ដែលរួមមាន សម្លៀកបំពាក់, គ្រឿងសម្អាង, គ្រឿងឧបភោគ-បរិភោគ ជាដើម។

លោក គីម មូចូ នាយកក្រុមហ៊ុន PFI ក៏បានប្រាប់សម្តេចធិបតីដែរ ថា ក្រុមហ៊ុនបានសម្លឹងមើលឃើញពីសក្តានុពលអាជីវកម្មនៅក្នុងប្រទេសកម្ពុជា ជាពិសេសវិស័យកសិកម្ម ដែលក្រុមហ៊ុនរបស់លោកមានបំណងពង្រីកការវិនិយោគមកកាន់ប្រទេសកម្ពុជា នាពេលខាងមុខផងដែរ។

ក្នុងជំនួបនេះក្រុមហ៊ុនឯកជន PFI របស់ជប៉ុន នាទីក្រុងតូក្យូ កាលពីថ្ងៃទី១៦ ខែធ្នូ ឆ្នាំ២០២៣នេះ សម្តេចធិបតី ហ៊ុន ម៉ាណែត បានវាយតម្លៃខ្ពស់ចំពោះក្រុមហ៊ុន PFI ដែលប្រើប្រាស់បច្ចេកវិទ្យាដ៏ទំនើបក្នុងការផលិត ផលិតផលចេញពីស៊ុតមាន់។ សម្តេចធិបតីនាយករដ្ឋមន្ត្រី ក៏បានស្វាគមន៍និងលើកទឹកចិត្តដល់ក្រុមហ៊ុនចំពោះគម្រោងបណ្តាក់ទុនវិនិយោគនៅកម្ពុជា ដោយនាំយកបច្ចេកវិទ្យានេះទៅជាមួយ ដើម្បីជាការផ្តល់អត្ថប្រយោជន៍ផ្ទាល់ដល់ប្រជាកសិករកម្ពុជា។

សម្តេចធិបតី បានគូសបញ្ជាក់នៅក្នុងជំនួបជាមួយនឹងនាយកក្រុមហ៊ុន PFI ថា ការច្នៃប្រឌិតបង្កើតបច្ចេកវិទ្យាថ្មីៗបែបនេះ គឺជាការកាលានុវត្តភាពដ៏ចាំបាច់ក្នុងការធានាបាននូវសមត្ថភាពក្នុងការប្រកួតប្រជែងរបស់កម្ពុជា ផងដែរ៕


នាំមកជូនដោយ

ព័ត៌មានពេញនិយម

រដ្ឋមន្រ្តីការបរទេសចិនបង្ហាញជំនឿចិត្តចំពោះមុខ ស...

2023-09-11

SME News

កម្ពុជា រកចំណូលពីការនាំចេញស្រូវអង្ករជាង១ពាន់លាន...

តើ«សហគ្រិនភាពឌីជីថល»ជាអ្វី? ផ្តល់ប្រយោជន៍អ្វីខ្...

2024-03-26

SME News

សម្តេចធិបតី ហ៊ុន ម៉ាណែត ទស្សនាកំពង់ផែស្ងួត Than...

2023-09-13

SME News

ការចរចាប្រាក់ឈ្នួលកម្មករលើកទី៤ នៅមិនទាន់ឯកភាពគ្...

© រក្សា​រ​សិទ្ធ​គ្រប់យ៉ាងដោយ​ អង្គភាពសារព័ត៌មាន អេស.អ៊ឹម.អ៊ី