ភ្នំពេញ៖ កម្ពុជា និងចិន ពិភាក្សាបង្កើតនូវភូមិវប្បធម៌អរូបីកម្ពុជា-ចិន ដោយបង្តើតការធ្វើផលិតផលអរូបីធ្វើដោយដៃរបស់ប្រទេសចិន មកធ្វើការដាក់តាំង និងការរៀបចំ Concert ខ្នាតយក្សរបស់តារាចម្រៀងចិនលោក Jay Chou នៅកម្ពុជា។ នេះបើតាមការចុះផ្សាយរបស់ ក្រសួងទេសចរណ៍។

ក្នុងជំនួបពិភាក្សា រវាង ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Wen wei អគ្គលេខាធិការងសមាគមន៍វប្បធម៌ទេសចរណ៍រដ្ឋធានីប៉េកាំង របស់ចិន កាលពីថ្ងៃទី២៧ ខែមីនា ឆ្នាំ២០២៥ ភាគីទាំងពីរ ក៏បានជជែកពី កិច្ចសហប្រតិបត្តិជំរុញលើការផ្លាស់ប្តូរបទពិសោធក្នុងការអភិវឌ្ឍវិស័យទេសចរណ៍រវាងកម្ពុជា និងទីក្រុងប៉េកាំងផងដែរ។

ឯកឧត្តម ហួត ហាក់ និង ឯកឧត្តម Wen wei បានលើកឡើងពីការរួមគ្នាបង្កើតផលិតផលទេសចរណ៍វប្បធម៌ច្នៃប្រឌិតដល់ការបង្កើតមជ្ឈមណ្ឌល AR/VR នូវប្រវត្តិប្រាសាទអង្គរវត្ត ព្រមទាំងការបើកឡើងវិញនៅ Smile of Angkor Show សៀមរាប និងការពង្រីកការលក់សំបុត្រ Smile of Angkor Show តាមប្រព័ន្ធ Online៕