ភ្នំពេញ៖ កម្ពុជា រកចំណូលពីការលក់សំបុត្រជូនភ្ញៀវអន្តរជាតិចូលទស្សនារមណីយដ្ឋានអង្គរ ប្រាសាទកោះកែរ និងកំពង់ផែចុងឃ្នៀស បានចំណូលសរុប ៣២ ៥៤៦ ៨៤៧លានដុល្លារអាម៉េរិក រយៈពេល១១ខែឆ្នាំ២០២៣។

យោងតាមសេចក្ដីប្រកាសព័ត៌មានរបស់គ្រឹះស្ថានអង្គរនាថ្ងៃទី០១ ធ្នូនេះ រយៈពេល១១ខែ ឆ្នាំ២០២៣ រមណីយដ្ឋានអង្គរ ទទួលបានភ្ញៀវអន្តរជាតិសរុប ៦៩៩ ៩៩៦នាក់ កើនឡើង ២១០,៨៥ភាគរយ ធៀបនឹងឆ្នាំ២០២២ និងរកចំណូលបានសរុប ៣២ ៥៤៦ ៨៤៧ដុល្លារអាម៉េរិក កើនឡើង ២៦១,១២ភាគរយធៀបនឹងឆ្នាំ២០២២។

ជាមួយគ្នានេះ ប្រាសាទកោះកែរ រកចំណូលពីការលក់បណ្ណឱ្យភ្ញៀវទេសចរអន្តរជាតិក្នុងរយៈពេល ១១ខែ នៅឆ្នាំ២០២៣ មានចំនួន ១២ ២៨០នាក់ ស្មើនឹង ១៨៤ ២០០ដុល្លារ។ ចំណែក ការលក់សំបុត្រទូកវិញ គ្រឹះស្ថានអង្គរទទួលបានចំណូល ៥០១ ០៣៣ដុល្លារ ក្នុងនោះមានទូកសរុបចំនួន១៩ ២៧៥ ក្នុងរយៈពេល១១ខែផងដែរ។

គួរបញ្ជាក់ថា ក្នុងខែវិច្ឆិកា មានភ្ញៀវបរទេសចូលទស្សនារមណីដ្ឋានអង្គរមានចំនួន ៩៧ ៤២៦នាក់ កើនឡើង៧៤,៤៧ភាគរយ ធៀបនឹងខែវិច្ឆិកា ឆ្នាំ២០២២ ដែលរកចំណូលបាន៤ ៦៦៤ ៤១២ដុល្លារអាម៉េរិក កើនឡើង១០៧,២១ភាគរយ ធៀបនឹងខែវិច្ឆិកា ឆ្នាំ២០២២៕