ភ្នំពេញ៖ «ហេដ្ឋារចនាសម្ព័ន្ធឌីជីថល» គឺជាប្រព័ន្ធដ៏ទូលំទូលាយមួយ ដែលរួមបញ្ចូលទាំងសេវូបករណ៍ (Server) និងកុំព្យូទ័រ, កម្មវិធីសុសវែរ, ប្រព័ន្ធប្រតិបត្តិការ, ការតភ្ជាប់បណ្តាញរហូតដល់មជ្ឈមណ្ឌលទិន្នន័យជាដើម ដើម្បីគាំទ្រដល់ប្រតិបត្តិការ និងសេវាកម្មឌីជីថល។

ហេដ្ឋារចនាសម្ព័ន្ធឌីជីថល បានក្លាយជាកត្តាចាំបាច់និងមានសារសំខាន់ចំពោះអាជីវកម្ម រដ្ឋាភិបាល និងបុគ្គល ដោយបច្ចុប្បន្នសង្គមឌីជីថល កំពុងមានតម្រូវការលើការប្រើប្រាស់បច្ចេកវិទ្យាគ្មានដែនកំណត់ ដែលរុញច្រានហេដ្ឋារចនាសម្ព័ន្ធឌីជីថល ឱ្យក្លាយជាឆ្អឹងខ្នងដ៏សំខាន់ក្នុងការគាំទ្រ និងបើកដំណើរការប្រព័ន្ធឌីជីថលទាំងអស់ក្នុងពិភពឌីជីថលទំនើប នាបច្ចុប្បន្ន។

ហេដ្ឋារចនាសម្ព័ន្ធឌីជីថល ក៏បានរួមចំណែកយ៉ាងមានប្រសិទ្ធភាព ក្នុងការតភ្ជាប់និងការធ្វើមាត្រដ្ឋាន ស្របពេលដែលជំរុញនវានុវត្តន៍ក្នុងប្រទេស និងជំរុញការកសាងសេដ្ឋកិច្ច សង្គម ព្រមទាំងរដ្ឋាភិបាលឌីជីថល ដែលនាំមកនូវការមានកំណើននៃសេដ្ឋកិច្ច។ នេះបើតាមការចុះផ្សាយរបស់ កម្ពុជា ៤.០៕