ភ្នំពេញ៖ ការយល់ដឹងពីបច្ចេកវិទ្យាឌីជីថល និងបរិវត្តកម្មសេដ្ឋកិច្ចឌីជីថល របស់សាធារណជន ជាកត្តាចំបាច់ដើម្បីទាញយកអត្ថប្រយោជន៍ពីបរិវត្តន៍កម្មឌីជីថល និងសង្គមឌីជីថល ក្នុងនោះការរួមចំណែកពីរដ្ឋាភិបាលក្នុងការបណ្តុះបណ្តាល និងអភិវឌ្ឍន៍ចំណេះដឹង លើជំនាញឌីជីថល ជាចំណែកដ៏សំខាន់ក្នុងការជំរុញដល់ការទាញនូវអត្ថប្រយោជន៍ពីវិស័យឌីជីថលនេះ។

រដ្ឋាភិបាលកម្ពុជា បានផ្តល់អាទិភាពចំនួន៣ ដើម្បីជំរុញនិងលើកកម្ពស់ការយល់ដឹងរបស់សាធារណជនក្នុងបរិបទសង្គមឌីជីថល ក្នុងនោះរួមមាន ទី១. ភាពជាអ្នកដឹកនាំឌីជីថល ទី២.បណ្តុំធនធាន ដែលមានទេពកោសល្យឌីជីថល និងទី៣. ពលរដ្ឋឌីជីថលទាំងក្នុងវិស័យសាធារណៈ និងវិស័យឯកជន និងជ្រៀតដល់កម្រិតសហគមន៍មូលដ្ឋាន។ ការចូលរួមពីរដ្ឋាភិបាលនេះ នឹងបង្កើនឱ្យមានការប្រកួតប្រជែង និងទាញយកអត្ថប្រយោជន៍ជាអតិបរមាពីបរិវត្តកម្មសេដ្ឋកិច្ចឌីជីថល និងសង្គមឌីជីថល តាមរយៈការទទួលបានធនធានមនុស្សដែលយល់ដឹងក្នុងវិស័យនេះ។

ប្រភពសៀវភៅ៖ «ក្របខ័ណ្ឌគោលនយោបាយសេដ្ឋកិច្ច និងឌីជីថលកម្ពុជា ២០២១-២០៣៥ »៖ https://surl.li/ouylsy