ភ្នំពេញ៖ សហគ្រិនខ្មែរ នឹងរៀបចំកម្មវិធី Fireside Chat ដែលជាផ្នែកមួយនៃកម្មវិធី «ធុរកិច្ចជំនាន់ថ្មី» នាថ្ងៃទី០៧ ខែកុម្ភៈ ឆ្នាំ២០២៥ ដើម្បីឱ្យសាធារណជនទទួលបានចំណេះដឹង និងទស្សនៈប្លែកៗក្នុងការចាប់ផ្តើម និងពង្រីកអាជីវកម្ម។

សិក្ខាកាម ដែលចូលរួមក្នុងកម្មវិធី Fireside Chat នឹងទទួលបានការសិក្សាពីម្ចាស់អាជីវកម្ម និងសហគ្រិនអំពីបញ្ហាប្រឈម និងភាពជោគជ័យនៃប្រតិបត្តិការអាជីវកម្ម, ស្តាប់ពីអ្នកជំនាញខាងផ្នែកអាជីវកម្ម និងពាណិជ្ជកម្មខ្នាតធំ, ស្វែងយល់ពីអាជីវកម្មដែលទទួលបានភាពជោគជ័យក្នុងការវិនិយោគ និងយល់ពីតម្រូវការរបស់វិនិយោគិន និងបង្កើតបណ្តាញជាមួយម្ចាស់អាជីវកម្ម និងអ្នកជំនាញផ្សេងៗ។

សាធារណជន អាចចុះឈ្មោះក្នុងកម្មវិធី ដែលនឹងធ្វើឡើងវេលាម៉ោង ២:០០ - ៥:៣០ល្ងាច នៅ Multipurpose Hall, Khmer Enterprise តាមរយៈ https://forms.gle/ZPWAKmXWovGPHRMh9 ត្រឹមថ្ងៃទី៦ ខែកុម្ភៈ ឆ្នាំ២០២៥ និងព័ត៌មានបន្ថែម អាចទាក់ទងមក Grow4Growth Consultant តាម ០៣១ ៤៨០ ០៨៨៨ ឬ [email protected] ៕