ភ្នំពេញ៖ តម្លៃលក់រាយប្រេងសាំងធម្មតាចុះថ្លៃ ១០០រៀល គឺនៅ ៣,៨៥០រៀល/លីត្រ ខណៈដែលតម្លៃប្រេងម៉ាស៊ូត ៣,៧៥០រៀល/លីត្រ គឺចុះថ្លៃ ១០០រៀល/លីត្រដូចគ្នា។ បើតាមសេចក្តីប្រកាសក្រសួងពាណិជ្ជកម្ម នៅថ្ងៃទី២១ វិច្ឆិកា នេះ កំណត់ឱ្យស្ថានីយប្រេងឥន្ធនៈនៅទូទាំងប្រទេស អនុវត្តចាប់ពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២៤។

តម្លៃអតិបរមាលក់រាយប្រេងឥន្ធនៈនៅតាមស្ថានីយលក់រាយប្រេងឥន្ធនៈទាំងអស់ គឺសម្រាប់អនុវត្ត រយៈពេល១០ថ្ងៃ ចាប់ពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២៤ ដោយកាលពី ១០ថ្ងៃមុន សាំងធម្មតាមានតម្លៃ ៣,៩៥០រៀល/លីត្រ និងប្រេងម៉ាស៊ូតមានតម្លៃ ៣,៨៥០រៀល/លីត្រ៕