ភ្នំពេញ៖ សហគ្រិនខ្មែរ នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ នឹងរៀបចំ «ទិវាប្រព័ន្ធអេកូឡូស៊ីសហគ្រិនភាព ២០២៤» រយៈពេល ២ថ្ងៃ គឺថ្ងៃទី២៤-២៥ ខែវិច្ឆិកា ឆ្នាំ២០២៤ ដើម្បីបង្ហាញពីផលិតផល សេវាកម្ម និងគំនិតថ្មីៗនៅក្នុងព្រឹត្តិការណ៍នេះ។

ទិវាប្រព័ន្ធអេកូឡូស៊ីសហគ្រិនភាព ដែលនឹងរៀបចំឡើងនៅអគារមជ្ឈមណ្ឌលសន្និបាត និងពិព័រណ៍កោះពេជ្រ នឹងផ្តល់ឱកាសឱ្យសាធារណជនចូលរួមដោយសេរី ក្នុងគោលបំណងប្រមូលផ្តុំសហគ្រិន បុគ្គលមានគំនិតច្នៃប្រឌិត និងផលិតផលដែលមាននវានុវត្តន៍ទាំងអស់ មកបង្ហាញក្នុងព្រឹត្តិការណ៍តែមួយ។ នេះបើតាមការចុះផ្សាយរបស់សហគ្រិនខ្មែរ នាថ្ងៃទី៦ ខែវិច្ឆិកា ឆ្នាំ២០២៤៕