ភ្នំពេញ៖ សហព័ន្ធស្វាយចន្ទីកម្ពុជា (សចក) នឹងផ្តល់ចំណេះដឹងដល់ក្រុមហ៊ុន សហគ្រាស និងសិប្បកម្មកែច្នៃគ្រាប់ស្វាយចន្ទី អំពីស្តង់ដារសុវត្ថិភាពម្ហូបអាហារ (GMP/HACCP) និងរៀបចំស្នើសុំវិញ្ញាបត្រស្តង់ដារ ពិសេសគន្លឹះសំខាន់ក្នុងការអនុវត្តខ្សែច្រវ៉ាក់ផលិតកម្មស្វាយចន្ទីស្របតាមបទដ្ឋានស្តង់ដារ។

តាមការចុះផ្សាយរបស់សហព័ន្ធស្វាយចន្ទីកម្ពុជា ការបណ្តុះបណ្តាលបច្ចេកទេស និងបង្វឹកនេះ ធ្វើដោយអ្នកជំនាញមានបទពិសោធក្នុងវិស័យស្វាយចន្ទីជាច្រើនឆ្នាំ គឺក្រុមហ៊ុន ADMIT GROUP ដែលជាក្រុមហ៊ុនមានជំនាញក្នុងការអភិវឌ្ឍវិស័យកសិកម្ម ជាពិសេសបានជម្រុញក្រុមហ៊ុន សហគ្រាស សិប្បកម្ម ក្នុងការនាំចេញផលិតផលទៅកាន់ទីផ្សារសកល។

ចំពោះសហគ្រាស និងសិប្បកម្មកែច្នៃគ្រាប់ស្វាយចន្ទី ដែលចង់ស្វែងយល់ពីស្តង់ដារសុវត្ថិភាពម្ហូបអាហារ និងរៀបចំស្នើសុំវិញ្ញាបត្រស្តង់ដារ អាចចុះឈ្មោះតាមរយៈ https://forms.gle/A1XLKVyWe6FiQcuk8 ដោយប្រាប់ឈ្មោះក្រុមហ៊ុន, ឈ្មោះរបស់អ្នកទទួលខុសត្រូវ និងតួនាទី, ប្រវិត្តក្រុមហ៊ុន និងព័ត៌មានលម្អិត (លេខទូរសព្ទ តេឡេក្រាម និងអ៊ីម៉ែល)៕