ភ្នំពេញ៖ ធនាគារអភិវឌ្ឍន៍ជនបទ និងកសិកម្ម (ARDB) និងធនាគារអភិវឌ្ឍន៍កសិកម្ម របស់ប្រទេស ចិន (Agricultural Development Bank of China (ADBC) បានព្រមព្រៀងនឹងចុះអនុស្សរណៈយោគយល់គ្នា (MOU) ស្រាវជ្រាវរួមគ្នាលើការអនុវត្តហិរញ្ញប្បទានបៃតង។ ភាគីទាំងពីរ ក៏បានឯកភាពឱ្យធនាគារ ARDB ក្លាយជាធនាគារអន្តរការី (Corespondent Bank) របស់ធនាគារ ARDB ដើម្បីទូទាត់ប្រាក់ឆ្លងប្រទេស នៅប្រទេសចិន។

ធនាគារ ARDB និង ADBC នឹងបង្កើតកម្មវិធីផ្តាស់ប្តូរបុគ្គលិក ដើម្បីផ្តាស់ប្តូរបទពិសោធការងារ ចំណេះដឹង និងចូលរួមសិក្សាស្រាវជ្រាវនៅមជ្ឈមណ្ឌល Center of excellence របស់ APRACA នៅធនាគារ ARDB ដោយផ្តោតសំខាន់លើហិរញ្ញប្បទានបៃតង។ ក្រៅពីការចុះ MOU ធនាគារទាំងពីរ ក៏នឹងរួមគ្នាប្រយុទ្ធប្រឆាំងលើការប្រែប្រួលអាកាសធាតុ និងការធានាបានការធ្វើកសិកម្មប្រកបដោយចីរភាព, កសិកម្មវ័យឆ្លាត និងធុនអាកាសធាតុផងដែរ។

បេសកកម្មរបស់ធនាគារ ADBC និងធនាគារ ARDB ដូចគ្នា ពោលគឺការអនុវត្តគោលនយោបាយរបស់រដ្ឋាភិបាល។ អាស្រ័យហេតុដូច្នេះ លោក QIAN WENHUI ប្រធានក្រុមប្រឹក្សាភិបាល នៃធនាគារ ADBC បានលើកឡើងក្នុងជំនួបទ្វេភាគីជាមួយ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB នៅរដ្ឋធានីប៉េកាំង ប្រទេសចិន ថា ជំហានបន្ទាប់ ធនាគារទាំងពីរ នឹងបង្កើតក្រុមការងាររួម ដើម្បីសិក្សាចុះអនុស្សរណៈយោគយល់គ្នា នាពេលខាងមុខ៕