ភ្នំពេញ៖ ក្រសួងអប់រំ យុវជន និងកីឡា អំពាវនាវដល់ឪពុកម្តាយ អ្នកអាណាព្យាបាល ជួយពិនិត្យនិងដាក់ដបទឹកដល់កូនៗមុនពេលទៅសាលា លើកទឹកចិត្តកូនៗ ញុាំទឹកឱ្យបានគ្រប់គ្រាន់ ស្លៀកសម្លៀកបំពាក់រលុង ឬសមស្រប ដើម្បីកាត់បន្ថយការរលាកដោយសារកម្ដៅ។ ក្រសួងអប់រំបានអំពាវនាវយ៉ាងដូច្នេះ នៅរសៀលថ្ងៃទី៣០ ខែមេសា ឆ្នាំ២០២៤នេះ ដោយស្ថានភាពអាកាសធាតុកើនឡើងដល់ជាង៤០អង្សាឯណោះ។

ទន្ទឹមនឹងនេះ ក្រសួងអប់រំក៏បានសរសើរ និងលើកទឹកចិត្តដល់គ្រូបង្រៀន និងសាលារៀននានា ប្រើប្រាស់មធ្យោបាយផ្សេងៗតាមលទ្ធភាព ដើម្បីជួយកាត់បន្ថយកម្ដៅដល់ប្អូនៗសិស្សានុសិស្ស ខណៈដែលសីតុណ្ហភាពកំពុងកើនឡើងខ្ពស់៕