ភ្នំពេញ៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងសមាគមលើកកម្ពស់សេដ្ឋកិច្ចឧស្សាហកម្មកម្ពុជា (CIEA) នឹងប្តេជ្ញាចិត្តក្នុងការសហការជិតស្និទ្ធជាមួយដៃគូក្នុងវិស័យឯកជន ដើម្បីជំរុញទំនើបកម្មឧស្សាហកម្ម និងគាំទ្រដល់កំណើនប្រកបដោយចីរភាពនៃសេដ្ឋកិច្ចកម្ពុជា។

ក្នុងកិច្ចប្រជុំ នាថ្ងៃទី៣០ ខែកញ្ញា ឆ្នាំ២០២៥ ឯកឧត្តម ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងគណៈប្រតិភូសមាគម CIEA ក៏បានពិភាក្សាផ្តោតលើការពង្រឹងកិច្ចសហប្រតិបត្តិការរវាងក្រសួង និងរោងចក្រ-សហគ្រាស ការលើកកម្ពស់នវានុវត្តន៍ និងការពង្រឹងភាពប្រកួតប្រជែងនៃឧស្សាហកម្មកម្ពុជា៕