ភ្នំពេញ៖ ក្រសួងពាណិជ្ជកម្ម នឹងរៀបចំព្រឹត្តិការណ៍ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី២ នៅថ្ងៃទី១២ ដល់ថ្ងៃទី១៣ ខែកញ្ញា ឆ្នាំ២០២៥ នៅសាលបុរីកោះពេជ្រ។ នេះបើតាមការចុះផ្សាយរបស់ ក្រសួងពាណិជ្ជកម្ម នាថ្ងៃទី៥ ខែកញ្ញា ឆ្នាំ២០២៥។

ក្នុងព្រឹត្តិការណ៍ខាងលើនេះ សាធារណជន អាចចូលរួមដោយសេរី ដើម្បីមើលពីការតាំងពិព័រណ៍, ចូលរួមវេទិកាពាណិជ្ជកម្មឌីជីថល, ការជាវទំនិញដោយផ្ទាល់ និងអនឡាញ, ដំណោះស្រាយ ផ្នែកភស្តុភារ និងដឹកជញ្ជូន និងវេទិកាជជែក ដេញដោលយុវជន ពាណិជ្ជកម្មឌីជីថល។

វេទិកានេះ នឹងធ្វើឡើងវេលាម៉ោង ០៨:០០នាទីព្រឹក ដល់ ០៦:០០នាទីយប់ ដោយក្នុងនោះសាធារណជន អាចចុះឈ្មោះតាមរយៈតំណភ្ជាប់ https://dtf.moc.gov.kh/event-registration ៕