ភ្នំពេញ៖ សមាគមសហប្រតិបត្តិការជប៉ុន-ខ្មែរ (JCIA) នឹងជួយជំរុញការវិនិយោគពីជនជាតិជប៉ុនមកវិនិយោគក្នុងវិស័យសង្គម និងឧស្សាកម្មនៅកម្ពុជា និងមានទិសដៅធ្វើជាដៃគូសហការជាមួយក្រសួងពាណិជ្ជកម្ម ដើម្បីផ្តល់ការគាំទ្រដល់មជ្ឈមណ្ឌលអភិវឌ្ឍន៍សង្គមពាធិ៍សែនជ័យ លើការបណ្តុះបណ្តាលជំនាញវិជ្ជាជីវៈសម្រាប់យុវជនកម្ពុជា។

ជាមួយគ្នានេះ លោក ហ្វូមីអូ យ៉ាម៉ាដា (Fumio Yamada) ប្រធានក្រុមប្រឹក្សាភិបាលអង្គការ នៃសមាគមសហប្រតិបត្តិការជប៉ុន-ខ្មែរ (JCIA) បានលើកឡងថា សមាគម JCIA ក៏បានបញ្ជូនកម្មសិក្សាការីខ្មែរទៅធ្វើការនៅប្រទេសជប៉ុន ជួយបង្កើតមជ្ឍមណ្ឌលថែទាំមនុស្សចាស់ និងសេវាសង្គមផ្សេងៗផងដែរ។ គួរបញ្ជាក់ថា កិច្ចពិភាក្សារបស់លោក ហ្វូមីអូ យ៉ាម៉ាដា គឺធ្វើឡើងកាលពីថ្ងៃទី២ ខែកញ្ញា ឆ្នាំ២០២៥ ជាមួយលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម៕