ភ្នំពេញ៖ កម្មវិធីស្បៀងអាហារពិភពលោក (WFP) ប្រចាំកម្ពុជា ប្ដេជ្ញាបន្តកិច្ចសហប្រតិបត្តិការដ៏ជិតស្និទ្ធរវាង WFP ជាមួយកម្ពុជា ក្នុងការពង្រឹងលើវិស័យសន្តិសុខស្បៀង និងអាហារូបត្ថម្ភ។ នេះបើតាមការលើកឡើងរបស់ លោកស្រី ឃ្យុងណាន់ ផាក (Kyung-nan Park) តំណាង និងនាយិកាថ្មីនៃកម្មវិធី WFP។

ក្នុងជំនួបជាមួយ លោកស្រី ឃ្យុងណាន់ ផាក កាលពីថ្ងៃទី២១ ខែសីហា ឆ្នាំ២០២៥, លោកជំទាវ អ៊ាត សោភា រដ្ឋលេខាធិការប្រចាំការក្រសួងការបរទេស និងសហប្រតិបត្តិការអន្តរជាតិ បានអរគុណ ដែល WFP ផ្តល់ជំនួយអង្ករចំនួន ២២០តោន ដល់ជនភៀសសឹកចំនួន ៤៥០០គ្រួសារ នៅខេត្តឧត្តរមានជ័យ កាលពីពេលថ្មីៗនេះផងដែរ៕