ភ្នំពេញ៖ សាលាដំបូងខេត្តតាកែវ លើកលែងចំពោះការបង់ប្រាក់ប្រដាប់ក្តី តុលាការក្រៅពីពន្ធ ដែលមានចែងក្នុងមាត្រា៦២ ស្តីពីប្រាក់ប្រដាប់ក្តីតុលាការក្រៅពីពន្ធ នៃក្រមនីតិវិធីរដ្ឋប្បវេណី ដើម្បីជួយកាត់បន្ថយបន្ទុកចំណាយរបស់ពលរដ្ឋ ដែលមកទទួលសេវាពាក់ព័ន្ធនឹង «រឿងសុំកែ តម្រូវទិន្នន័យអត្រានុកូលដ្ឋាន»។

បើតាមសេចក្តីជូនដំណឹងរបស់ សាលាដំបូងខេត្តតាកែវ ការលើកលែងចំពោះការបង់ប្រាក់ប្រដាប់ក្តី តុលាការក្រៅពីពន្ធនេះ នឹងអនុវត្តឡើងចាប់ពីថ្ងៃទី១៨ ខែសីហា ឆ្នាំ២០២៥ រហូតដល់មានសេចក្តីសម្រេចជាថ្មី។

គួរបញ្ជាក់ថា សាលាដំបូងខេត្តតាកែវ បានរៀបចំនូវគំរូពាក្យសុំពាក់ព័ន្ធនឹង «រឿងកែតម្រូវទិន្នន័យអត្រានុកូលដ្ឋាន» ដើម្បីផ្តល់ជូនដល់សាធារណជន ដោយឥតគិតថ្លៃ នៅ «បញ្ជារផ្តល់ព័ត៌មាន» នៃលេខាធិការដ្ឋានរដ្ឋបាល សាលាដំបូងខេត្តតាកែវ រៀងរាល់ថ្ងៃ និងម៉ោងធ្វើការ៕