ភ្នំពេញ៖ កម្ពុជា ស្នើឱ្យម៉ាឡេស៊ី ដែលជាប្រធានអាស៊ាន ជួយអន្តរាគមន៍ដើម្បីជំរុញឱ្យភាគីថៃ ឆាប់ប្រគល់មកកម្ពុជាវិញ នូវកងកម្លាំងកម្ពុជាទាំង ១៨នាក់។ នេះបើតាមអ្នកនាំពាក្យ ក្រសួងការពារជាតិកម្ពុជា។

ស្របពេលដែលយោធាថៃ បញ្ជាក់ថា កងកម្លាំងកម្ពុជា ចំនួន ១៨រូប ដែលកំពុងស្ថិតនៅក្រោមការគ្រប់គ្រងរបស់ថៃ មានសុខសុវត្ថិភាព រាជរដ្ឋាភិបាលកម្ពុជា កំពុងបន្តធ្វើការយ៉ាងសស្រាក់សស្រាំ ក្នុងការចរចា ដើម្បីជំរុញឱ្យភាគីថៃ ប្រគល់កងកម្លាំងរបស់យើងមកវិញ ឱ្យបានឆាប់រហ័សបំផុត និងមានសុវត្ថិភាព ស្របតាមច្បាប់មនុស្សធម៌អន្តរជាតិ៕