ភ្នំពេញ៖ កម្ពុជា-ម៉ាឡេស៊ី នឹងពង្រឹងទំនាក់ទំនងកិច្ចសហប្រតិបត្តិការពាណិជ្ជកម្មទ្វេភាគីរវាងប្រទេសទាំងពីរ តាមរយៈស្ថាប័ន MATRADE នៃប្រទេសម៉ាឡេស៊ី និងក្រសួងពាណិជ្ជកម្ម នៃប្រទេសកម្ពុជា។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី២៥ ខែមិថុនា ឆ្នាំ២០២៥។

ក្នុងជំនួបនេះ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងលោកស្រី Zaimah Osman ស្នងការពាណិជ្ជកម្ម Malaysia External Trade Development Corporation (MATRADE) ក៏បានពិភាក្សា និងផ្លាស់ប្តូរយោបល់គ្នាពីការជំរុញពាណិជ្ជកម្ម និងវិនិយោគទ្វេភាគី និងលើកកម្ពស់កិច្ចសហប្រតិបត្តិការរវាងកម្ពុជា-ម៉ាឡេស៊ីឱ្យកាន់តែប្រសើរឡើងបន្ថែមទៀត តាមរយៈការចូលរួមព្រឹត្តិការណ៍ជំរុញពាណិជ្ជកម្មនានា ដូចជាព្រឹតិ្តការណ៍ពិព័រណ៍ពាណិជ្ជកម្ម និងវេទិកាជំរុញពាណិជ្ជ ជាដើម៕