ភ្នំពេញ៖ Blockchain សាធារណៈ (Public Blockchain) គឺជាប្រភេទមួយក្នុងចំណោមប្រភេទទាំងបួន នៃបច្ចេកវិទ្យាប្លុកឆេន ដែលប្លុកឆេនប្រភេទនេះ ជាប្រព័ន្ធមួយបើកចំហដោយគោរពតាមគំនិត នៃវិមជ្ឈការ(Decentralization) ដែលមិនមានការរឹតត្បិតណាមួយទេ ឱ្យតែអ្នកចូលរួមមានកុំព្យូទ័រដែល Hardware ល្អ និងអ៊ីនធឺណិត អាចចូលរួមក្នុងបណ្តាញបាន។

Blockchain នេះ មានទំហំធំដែលធ្វើឱ្យមានការចែកចាយកំណត់ត្រាកាន់តែច្រើន ហើយជាថ្នាលសុវត្ថិភាពមួយ ដើម្បីធ្វើប្រតិបត្តិការរបស់អ្នកចូលរួមឱ្យបានត្រឹមត្រូវក្នុងពេលតែមួយដោយមានក្បួនដោះស្រាយដើម្បីស្វែងរកការក្លែងបន្លំ និងមិនតម្រូវឱ្យបង្ហាញឈ្មោះ និងអត្តសញ្ញាណរបស់អ្នកចូលរួមនោះទេ។ ឧទាហរណ៍នៃ Blockchain សាធារណៈ គឺ Bitcoin និង Ethereum ជាដើម។

បើតាមគេហទំព័រកម្ពុជា ៤.០ Blockchain ប្រភេទនេះ ត្រូវបានបើកចំហជាសាធារណៈ មានន័យថាបណ្តាញនេះមិនមែនជាកម្មសិទ្ធិរបស់នរណាម្នាក់ឡើយ ដោយអ្នកចូលរួមទាំងអស់នៅក្នុងបណ្តាញអាចចូលប្រើប្រាស់កំណត់ត្រាបច្ចុប្បន្ន និងពីមុន, ផ្ទៀងផ្ទាត់ប្រតិបត្តិការ ឬចម្លងប្លុកដែលមាននៅក្នុងបណ្តាញ៕