ភ្នំពេញ៖ បច្ចេកវិទ្យាប្លុកឆេន (Blockchain Technology) គឺសំដៅលើសំណុំកំណត់ត្រាប្រតិបត្តិការ ជាប្លុកតភ្ជាប់គ្នាពីមួយទៅមួយដោយសុវត្ថិភាពតាមរយៈការប្រើប្រាស់លេខសម្គាល់សម្ងាត់ និងកំណត់ត្រាពេលវេលានៃប្រតិបត្តិការដែលមិនអាចកែបាន និងត្រូវបានចែករំលែកនៅក្នុងបណ្តាញពាក់ព័ន្ធ។

ជាមួយនឹងបច្ចេកវិទ្យា Blockchain រូបិយប័ណ្ណក៏ដូចជាអ្វីផ្សេងៗទាំងអស់ នឹងអាចត្រូវបានបំប្លែងទៅជាទម្រង់ឌីជីថល ហើយអាចរក្សាទុកបាន។ បច្ចេកវិទ្យានេះ ដំណើរការលើប្លុកទិន្នន័យ ដែលប្រតិបត្តិការនីមួយៗត្រូវបានដាក់ជាក្រុមនៅក្នុងប្លុក ហើយនៅក្នុងប្លុកនីមួយៗត្រូវបានភ្ជាប់គ្នាបង្កើតបានជាខ្សែច្រវាក់ដែលមានសុវត្ថិភាព តម្លាភាព និងរក្សាបាននូវសុវត្ថិភាពខ្ពស់បំផុត ដែលប្លុកទាំងនោះ គឺមិនអាចលួចចូលបាននោះទេ។ នេះបើតាមការចុះផ្សាយរបស់ កម្ពុជា ៤.០ កាលពីថ្ងៃទី១៩ ខែឧសភា ឆ្នាំ២០២៥៕