ភ្នំពេញ៖ អង្គការ ប៉េ អេស អឹ (PSE) ជ្រើសរើសអ្នកស្ម័គ្រចិត្តចំនួន ៣០០នាក់ បោះជំរុំរដូវក្តៅ នាថ្ងៃទី១ ដល់ ទី២០ ខែកញ្ញា ឆ្នាំ២០២៥ ដើម្បីបង្កើតបទពិសោធន៍ដ៏រីករាយ ដែលមានន័យសម្រាប់កុមារ ត្រូវការជំនួយ។ នេះបើតាមការចុះផ្សាយរបស់អង្គការ PSE កាលពីថ្ងៃទី២៩ ខែមេសា ឆ្នាំ២០២៥។

សាធារណជន ដែលចូលរួមក្នុងកម្មវិធីនេះ នឹងទទួលបានថវិកាឧបត្ថម្ភ, អាហារពេលព្រឹក និងថ្ងៃត្រង់ ជាប្រចាំថ្ងៃ, លិខិតសរសើរពីអង្គការ, ការផ្លាស់ប្តូរបទពិសោធការងារ និងវប្បធម៌ និងការបណ្តុះបណ្តាលក្នុងការរៀបចំកម្មវិធី និងការអនុវត្តសកម្មភាពកម្សាន្ត-អប់រំ។ ចំពោះតម្រូវការ និងលក្ខខណ្ឌវិញ សាធារណជន ត្រូវជាជនជាតិខ្មែរ, អាយុចាប់ពី ១៨ឆ្នាំឡើង, អាចនិយាយភាសាអង់គ្លេសបាន និងមានពេលវេលាគ្រប់គ្រាន់នៅចុងសប្តាហ៍ក្នុងខែសីហា សម្រាប់ការបណ្តុះណ្តាលរយៈពេលកន្លះថ្ងៃ។

សាធារណជន ដែលមានចំណាប់អារម្មណ៍ចូលរួមក្នុងកម្មវិធីខាងលើនេះ អាចដាក់ពាក្យចូលរួម ត្រឹមថ្ងៃទី១ ខែសីហា ឆ្នាំ២០២៥ តាមរយៈតំណភ្ជាប់ https://docs.google.com/.../1FAIpQLSdRcM78DWOslm.../viewform៕