ភ្នំពេញ៖ សមាគមសហគ្រិនវ័យក្មេង សមាគមធនាគារកម្ពុជា និងសមាគមមីក្រូហិរញ្ញវត្ថុកម្ពុជា នឹងរៀបចំជំនួបសហគ្រិនវ័យក្មេងលើកទី២ ឆ្នាំ២០២៥ ដើម្បីផ្តល់ចំណេះដឹងពីប្រភពហិរញ្ញប្បទាន ទ្រទ្រង់អាជីវកម្ម ដល់សហគ្រិន។

ម្ចាស់អាជីវកម្ម ដែលចូលរួមក្នុងជំនួបសហគ្រិនវ័យក្មេង នឹងទទួលព័ត៌មាន អំពីប្រភពហិរញ្ញប្បទាន ដែលមានស្រាប់, ស្វែងយល់ពីការរៀបចំខ្លួន ដើម្បីទទួលបានហិរញ្ញប្បទាន និងទទួលបានការផ្តល់ជូនពិសេសពីដៃគូស្ថាប័នហិរញ្ញវត្ថុ។

ជំនួបសហគ្រិនវ័យក្មេងលើកទី២ ដែលរៀបចំឡើងនៅថ្ងៃទី០៨ ខែឧសភា ឆ្នាំ២០២៥នេះ នឹងចាប់ផ្តើមធ្វើឡើងពីម៉ោង ២:០០រសៀលដល់ម៉ោង ៨:០០យប់ នៅសណ្ឋាគារ Raffles Hotel Le Royal Phnom Penh។ សហគ្រិន ដែលមានចំណាប់អារម្មណ៍ចូលរួមក្នុងកម្មវិធីខាងលើ អាចចុះឈ្មោះចូលរួមដោយឥតគិតថ្លៃ តាមរយះតំណរភ្ជាប់: https://shorturl.at/ZeJpp ត្រឹមថ្ងៃទី០៥ ខែឧសភា ឆ្នាំ២០២៥ ម៉ោង ៤ល្ងាច៕