ភ្នំពេញ៖ កម្ពុជា-អាម៉េរិក ពិភាក្សាការជំរុញទាក់ទាញការវិនិយោគបន្ថែមពីសហរដ្ឋអាម៉េរិក មកកាន់កម្ពុជាបន្ថែមទៀត។ ការពិភាក្សានេះ ធ្វើឡើងរវាងឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងលោក Paul Grove លេខាធិការនៃអនុគណៈកម្មាធិការអនុម័តថវិកា របស់ព្រឹទ្ធសភាសហរដ្ឋអាម៉េរិក នាថ្ងៃទី២៥ ខែមេសា ឆ្នាំ២០២៥។

ជាមួយគ្នានេះ ឯកឧត្តម ស៊ុន ចាន់ថុល និងលោក Paul Grove ក៏បានពិភាក្សាពីការផ្លាស់ប្ដូរទស្សនគតិជុំវិញស្ថានភាពសង្គម សេដ្ឋកិច្ច និងកិច្ចសហប្រតិបត្តិការនានា ដែលឆ្លុះបញ្ចាំងឱ្យឃើញអំពីទំនាក់ទំនងទ្វេភាគីរវាងកម្ពុជានិងសហរដ្ឋអាម៉េរិក នៅក្នុងបរិការណ៍សកលនាពេលបច្ចុប្បន្ន៕