ភ្នំពេញ៖ ក្រសួងប្រៃសណីយ៍កម្ពុជា អំពាវនាវឱ្យសាធារណជន បង្កើនការប្រុងប្រយ័ត្នខ្ពស់ចំពោះកលល្បិចរបស់ជនឆ្លៀតឱកាស ប្រើឈ្មោះប្រៃសណីយ៍កម្ពុជា ក្លែងបន្លំទាក់ទង ឬផ្ញើសារដើម្បីផ្តល់ព័ត៌មានបញ្ញើអីវ៉ាន់មកដល់ និងបង្ហាញពីនីតិវិធីទូទាត់ប្រាក់លើគេហទំព័រ។

បើតាមសេចក្តីជូនដំណឹង ស្តីពី ការបោកប្រាស់តាមគេហទំព័រអនាមិកបន្លំជាប្រៃសណីយ៍កម្ពុជា បញ្ជាក់ថា ប្រៃសណីយ៍កម្ពុជា ពុំទាន់មានការរៀបចំឱ្យមានការទូទាត់ប្រាក់តាមគេហទំព័រនៅឡើយទេ ដូច្នេះសាធារណជន ត្រូវបង្កើនការប្រុងប្រយ័ត្នឱ្យបានខ្ពស់៕