ភ្នំពេញ៖ តម្លៃលក់រាយប្រេងសាំងធម្មតា ចុះថ្លៃ ១០០រៀល គឺនៅតម្លៃ ៣ ៨៥០រៀល/លីត្រ ខណៈដែលប្រេងម៉ាស៊ូតចុះថ្លៃ ១០០រៀលដូចគ្នា គឺស្ថិតនៅ ៣ ៧០០រៀល/លីត្រ។ តម្លៃនេះ ស្ថានីយទូទាំងប្រទេស ត្រូវអនុវត្តលក់ចាប់ពីថ្ងៃទី១១ ដល់ថ្ងៃទី២០ ខែមីនា ឆ្នាំ២០២៥។

បើតាមសេចក្តីជូនដំណឹងរបស់ ក្រសួងពាណិជ្ជកម្ម ដែលចុះផ្សាយនាថ្ងៃទី១១ មីនា រយៈពេល ១០ថ្ងៃមុន សាំងធម្មតាមានតម្លៃ ៣ ៩៥០រៀល/លីត្រ រីឯប្រេងម៉ាស៊ូតមានតម្លៃ ៣ ៨០០រៀល/លីត្រ៕