ភ្នំពេញ៖ ក្នុងចំណោមជំនាញឌីជីថលសំខាន់ៗ ជំនាញប្រព័ន្ធកុំព្យូទ័រក្លោដ ត្រូវបានអ្នកជំនាញចាត់ទុកជាជំនាញមួយ ដែលមានសារសំខាន់ដល់ដំណើរបរិវត្តកម្មឌីជីថលលើសកលលោក។ ជំនាញនេះ ផ្តល់អត្ថប្រយោជន៍យ៉ាងច្រើនសម្រាប់អាជីវកម្ម និងស្ថាប័ន ព្រមទាំងរួមចំណែកយ៉ាងសំខាន់ដល់ការអភិវឌ្ឍសេដ្ឋកិច្ចសង្គមផងដែរ។

គេហរទំព័រ Khmer Tech Market បានបង្ហាញពីហេតុផលមួយចំនួន ដែលអ្នកគួរតែចាប់យកជំនាញប្រព័ន្ធកុំព្យូទ័រក្លោដនេះ រួមមាន៖ ទី១. មានតម្រូវការខ្ពស់ក្នុងទីផ្សារនាពេលបច្ចុប្បន្ន និងនៅពេលអនាគត, ទី២. ទទួលបានប្រាក់ប្រៀវត្សខ្ពស់, ទី៣. ការងារមានភាពបត់បែន, ទី៤. មានឱកាសយកទៅអនុវត្តនៅក្នុងវិស័យជាច្រើន និងទី៥. អាចបង្កើតជាអាជីវកម្មផ្តល់សេវាប្រព័ន្ធកុំព្យូទ័រក្លោដផ្ទាល់ខ្លួន៕