ភ្នំពេញ៖ សភាពាណិជ្ជកម្មកម្ពុជា សហការជាមួយមជ្ឈមណ្ឌលអភិវឌ្ឍន៍ធុរកិច្ច (BDC) មូលនិធិអភិវឌ្ឍន៍ជំនាញ (SDF) និងក្រុមហ៊ុន Codingate Technology នឹងរៀបចំបណ្ដុះបណ្ដាលស្តីពី៖ «ជំនាញក្នុងការប្រើប្រាស់ AI និងរៀបចំហាងទំនិញអនឡាញ (Ecommerce) សម្រាប់សហគ្រាសធុនតូច និងមធ្យម (SMEs)» ដោយឥតគិតថ្លៃ។

វគ្គបណ្ដុះបណ្ដាល ដែលរៀបចំឡើងរយៈពេល ២ថ្ងៃ គឺថ្ងៃទី ២៦-២៧ ខែកុម្ភៈ ឆ្នាំ២០២៥ នឹងផ្ដោតលើប្រធានបទសំខាន់ៗ ដូចជា៖ ការប្រើប្រាស់បច្ចេកវិទ្យា AI សម្រាប់ការជួយសម្រួលដល់ប្រតិបត្តិការអាជីវកម្ម និងសិក្សា និងអនុវត្តន៍ផ្ទាល់ជាមួយអ្នកជំនាញក្នុងការបង្កើត និងរៀបចំហាងទំនិញអនឡាញដោយប្រើប្រាស់ប្រព័ន្ធ GateCommerce។

វគ្គបណ្ដុះបណ្ដាល នឹងប្រព្រឹត្តទៅវេលាម៉ោង ០៨:០០ព្រឹក ដល់ម៉ោង ៥:០០ល្ងាច នៅមជ្ឈមណ្ឌលអភិវឌ្ឍន៍ធុរកិច្ច (ជាន់ទី១៥) ដោយក្នុងនោះម្ចាស់អាជីវកម្ម អាចចុះឈ្មោះចូលរួម តាមរយៈ https://forms.gle/61riW2f2uXzL14fe9។ ចំពោះព័ត៌មានបន្ថែម អាចទំនាក់ទំនងមកលេខ ០១២ ២៨៩ ១៨៩៕