ភ្នំពេញ៖ ក្រសួងកិច្ចការនារី នឹងរៀបកម្មវិធី «ជំរំឌីជីថលសម្រាប់អាជីវកម្មស្រ្តី (Digital Bootcamp)» ដើម្បីផ្តល់ចំណេះដឹងឱ្យស្រ្តីពីការប្រើប្រាស់ GenAI ចុងក្រោយបំផុត សម្រាប់ធ្វើទីផ្សារឌីជីថលលើគេហទំព័រ Facebook & Tiktok និងការបង្កើតមាតិកា ដោយភាពឆ្លាតវៃ ទាក់ទាញ រហ័ស និងមានប្រសិទ្ធភាព។

សហគ្រិនស្រ្តី ដែលចូលរួមកម្មវិធី នឹងរៀបចំនៅថ្ងៃ១៩ ខែកុម្ភៈ ២០២៥ ព្រមទាំងការបង្កើត GenAI Tools បង្កើតមាតិកា និងវីដេអូអោយចំគោលដៅទីផ្សារផងដែរ។ កម្មវិធីជំរំឌីជីថលនេះ បើកឱកាសឱ្យស្រ្តីជាម្ចាស់អាជីវកម្ម (សហគ្រិនស្ត្រី), អ្នកជំនាញស្ត្រីផ្នែកទីផ្សារ និងផ្នែកលក់, សាធារណជន មានបំណងបង្កើនសមត្ថភាពលើវិស័យឌីជីថលទាក់ទងនឹង AI និងអ្នកមានទំព័រ FB, Tiktok (មាន គ្រោងនឹងមាន) អ៊ីម៉ែល និងមានទូរសព្ទ ដែលអាចប្រើប្រាស់កម្មវិធីកាត់តវីដេអូ ឬកុំព្យូទ័រចូលរួម។

ជំរំឌីជីថលសម្រាប់អាជីវកម្មស្រ្តី នឹងរៀបចំ នៅមជ្ឈមណ្ឌលអភិវឌ្ឍន៍សហគ្រិនស្ត្រី (WEDC) ក្នុងនោះ សារធារណជន អាចចុះឈ្មោះដោយឥតគិតថ្លៃ និងទទួលបានអាហារថ្ងៃត្រង់ តាមរយៈ https://forms.gle/mYfQQdPWaFF3iWbm9 ៕