ភ្នំពេញ៖ និយ័តករអាជីវកម្មអចលនវត្ថុ និងបញ្ចាំ (ន.អ.ប.) សម្រេចផ្អាកសកម្មភាពអាជីវកម្មអភិវឌ្ឍន៍អគារសហកម្មសិទ្ធិ របស់ក្រុមហ៊ុន សាន់ វ៉ា ប្រផឺធី (ខេមបូឌា) (SUN WAH PROPERTIES (CAMBODIA) CO., LTD.) សម្រាប់គម្រោងឈោ្មះ SUN WAH PEARL PHNOM PENH ដំណាក់កាលទី១។ នេះបើតាមសេចក្តីជូនដំណឹង របស់ន.អ.ប. នាថ្ងៃទី៣១ ខែមករា ឆ្នាំ២០២៥។

ការសម្រេចផ្អាកសកម្មភាពរបស់ក្រុមហ៊ុន សាន់ វ៉ា ប្រផឺធី (ខេមបូឌា) នេះ ដោយក្រុមហ៊ុន មិនបានអនុលោមតាមប្រការ៣៦ នៃប្រកាសលេខ ០៤៧ អ.ស.ហ.ប្រក ចុះថ្ងៃទី ២៦ ខែកញ្ញា ឆ្នាំ២០២៣ ស្ដីពីវិធាន និងនីតិវិធីនៃការផ្តល់អាជ្ញាបណ្ណ និងលិខិតអនុញ្ញាតអាជីវកម្ម អភិវឌ្ឍន៍អចលនវត្ថុ៕