ភ្នំពេញ៖ និយ័តករមូលបត្រកម្ពុជា (ន.ម.ក.) បានអនុម័តដាក់ឱ្យប្រើប្រាស់នូវប្រកាសលេខ ០០៣ អ.ស.ហ.ប្រក ចុះថ្ងៃទី២០ ខែមករា ឆ្នាំ២០២៥ ដែលអនុញ្ញាតឱ្យក្រុមហ៊ុនហូលឌីង បោះផ្សាយលក់មូលបត្រកម្មសិទ្ធិជាសាធារណៈ។ នេះបើតាមសេចក្ដីជូនដំណឹង របស់ន.ម.ក. ដែលចុះផ្សាយ នាថ្ងៃទី២៣ ខែមករា ឆ្នាំ២០២៥។

ក្រុមហ៊ុនហូលឌីង ដែលមានបំណងបោះផ្សាយលក់មូលបត្រកម្មសិទ្ធិជាសាធារណៈ ត្រូវអនុវត្តតាមប្រកាសស្តីពីការបោះផ្សាយលក់មូលបត្រកម្មសិទ្ធិជាសាធារណៈរបស់ក្រុមហ៊ុនហូលឌីង និងបទប្បញ្ញត្តិដែលមានជាធរមាន។ ចំពោះព័ត៌មានបន្ថែម អាចទាក់ទងមកនាយកដ្ឋានគ្រប់គ្រងការបោះផ្សាយលក់មូលបត្រ តាមរយៈលេខទូរសព្ទ ០១០ ៥១៧ ៦៣០ ឬអ៊ីម៉ែល [email protected] ៕