ភ្នំពេញ៖ ក្រសួងពាណិជ្ជកម្ម ជំរុញឱ្យពាណិជ្ជករ ផលិតករ និងអាជីវករ ចូលរួមយកផលិតផលទៅតាំងបង្ហាញនៅពិព័រណ៍ផលិតផលការពារម៉ាកសម្គាល់ភូមិសាស្ត្រទំនិញ និងផលិតផលម្ហូបអាហារនិងកសិកម្មនាំចូលអន្តរជាតិ ជឹងចូវ ឆ្នាំ២០២៥ ដែលធ្វើឡើងក្រោមមូលបទ«តម្រូវការប្រើប្រាស់ថ្មី ម្ហូបអាហារសកលតែមួយ»។

ពិព័រណ៍ដែលរៀបចំដោយ China General Chamber of Commerce នឹងធ្វើឡើងនៅថ្ងៃទី២៦-២៨ ខែកញ្ញា ឆ្នាំ២០២៥ ស្ថិតនៅទីក្រុងដឹងចូវ ខេត្តហឺណាន ប្រទេសចិន នឹងគ្របដណ្ដប់លើវិស័យម្ហូបអាហារ និងភេសជ្ជៈ រួមទាំងផលិតផល សម្គាល់ភូមិសាស្ត្រ ផលិតផលកសិកម្ម និងពាណិជ្ជកម្មសេវាកម្ម។ ក្នុងព្រឹត្តិការណ៍ខាងលើ អ្នកចូលរួមត្រូវមានកាតព្វកិច្ចបង់ថ្លៃស្តង់ជូនគណៈកម្មការរៀបចំតាមតម្លៃជាក់ស្ដែង។

ចំពោះ ពាណិជ្ជករ ផលិតករ និងអាជីវករ ដែលមានបំណងចូលរួមពិព័រណ៍ខាងលើ អាចបំពេញបែបបទតាមរយៈអ៊ីម៉ែល៖ [email protected] ឬ ទូរសព្ទលេខ៖ ០០៨៦-២១-៥០១៣១៧៦១។ សម្រាប់ព័ត៌មានបន្ថែម អាចទាក់ទង YAN Yaoyao តាមលេខ +៨៦-១៨២២១៤៣១៨២៥ ឬអ៊ីម៉ែល [email protected] ឱ្យបានមុនថ្ងៃទី២៨ ខែកុម្ភៈ ឆ្នាំ២០២៥៕