ភ្នំពេញ៖ សភាពាណិជ្ជកម្មកម្ពុជា នឹងសហការជាមួយ ក្រុមហ៊ុន កូដីងហ្គេត ថេកណូឡូជី ឯ.ក Codingate Technology Co.,LTD រៀបចំកម្មវិធីបណ្តុះបណ្តាល «ជំនាញក្នុងការប្រើប្រាស់ AI និងរៀបចំហាងទំនិញអនឡាញ (E-Commerce) សម្រាប់សហគ្រាសធុនតូច និងមធ្យម (SMEs)» ក្រុមទី៣ ដោយឥតគិតថ្លៃ។

វគ្គបណ្តុះបណ្តាលនេះ នឹងផ្តល់ចំណេះដឹង និងជំនាញចាំបាច់ដល់ SMEs ក្នុងការប្រើប្រាស់បច្ចេកវិទ្យា AI និងពាណិជ្ជកម្មអេឡិចត្រូនិក ដើម្បីពង្រីកអាជីវកម្មក្នុងសម័យឌីជីថល ដូចជា៖ ១. ការណែនាំអំពីបញ្ញាសិប្បនិម្មិត (AI) និងសារសំខាន់របស់វាក្នុងអាជីវកម្មសម័យទំនើប, ២. ការបង្កើតនិងគ្រប់គ្រងហាងលក់ទំនិញអនឡាញ (E-commerce), ៣. យុទ្ធសាស្ត្រទីផ្សារឌីជីថលដោយប្រើប្រាស់ AI and Ecommerce, ៤. ការប្រើប្រាស់ AI and Ecommerce ដើម្បីបង្កើនគុណភាពសេវាកម្មអតិថិជន, ៥. ការប្រើប្រាស់ Ecommerce ដើម្បីបង្កើនប្រសិទ្ធភាពប្រតិបត្តិការនិងកាត់បន្ថយការចំណាយ, ៦. បច្ចេកទេសកំណត់អត្តសញ្ញាណអតិថិជនគោលដៅ និង៧. ការអនុវត្តជាក់ស្តែងក្នុងការប្រើប្រាស់ Ecommerce and AI សម្រាប់ SMEs។

ម្ចាស់អាជីវកម្ម ដែលមានបំណងចូលរួមកម្មវិធីបណ្តុះបណ្តាល ប្រព្រឹត្តទៅនាថ្ងៃទី១៩-២០ ខែធ្នូ ឆ្នាំ២០២៤ វេលាម៉ោង ៨:៣០ព្រឹក ដល់ ៥:០០ល្ងាច នៅសភាពាណិជ្ជកម្មកម្ពុជា អាចចុះឈ្មោះតាមរយៈតំណភ្ជាប់ https://forms.gle/tidetmBwa3DDLqW38 ឬទំនាក់ទំនងតាមលេខទូរសព្ទ ០១២ ៦៧៤ ៧៦៨ (https://t.me/provincialccc)៕