ភ្នំពេញ៖ គោលនយោបាយជាតិ ស្តីពីវិទ្យាសាស្ត្រ បច្ចេកវិទ្យា និងនវានុវត្តន៍(វ.ប.ន.) ផ្តោតលើដែនដែលមានលក្ខណៈវិទ្យាសាស្ត្រ បច្ចេកវិទ្យា លើវិស័យអាទិភាពចំនួន៥ ដូចជា៖ ១.ការលើកកម្ពស់ទិន្នផលកសិកម្ម ពិពិធកម្មផលិតផល និងការកែច្នៃកសិផល ២.ទំនើបកម្មផលិតកម្ម និងវិស្វកម្ម ៣.សុខាភិបាល និងជីវវេជ្ជសាស្ត្រ ៤.វិទ្យាសាស្ត្ររូបធាតុ និងវិស្វកម្ម និង៥. សេវាកម្ម និងសេដ្ឋកិច្ចឌីជីថល មានបញ្ញាសិប្បនិម្មិត បច្ចេកវិទ្យាលំហ និងអវកាស។

គោលនយោបាយជាតិស្តីពី វ.ប.ន. មានគោលដៅជំរុញគ្រប់វិស័យវ.ប.ន. ឱ្យក្លាយជាកម្លាំងចលករដ៏សំខាន់ ក្នុងការអភិវឌ្ឍសេដ្ឋកិច្ចសង្គមប្រកបដោយចីរភាពនិងបរិយាប័ន្ន ដើម្បីឈានទៅសម្រេចចក្ខុវិស័យរបស់រាជរដ្ឋាភិបាល ធ្វើឱ្យកម្ពុជាក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានកម្រិតខ្ពស់នៅឆ្នាំ២០៥០ រួមទាំងឈានទៅសម្រេចគោលដៅជាតិសម្រាប់ការអភិវឌ្ឍប្រកបដោយចីរភាព។ ផែនទីបង្ហាញផ្លូវ វ.ប.ន. កម្ពុជា ២០៣០ ត្រូវបានកសាងឡើងក្នុងគោលបំណងដើម្បីតម្រង់ទិសការអនុវត្តគោលនយោបាយជាតិ វ.ប.ន.។

ប្រភពសៀវភៅ «ផែនទីបង្ហាញផ្លូវវិទ្យាសាស្ត្រ បច្ចេកវិទ្យា និងនវានុវត្តន៍ ២០៣០»៖ https://smenews.asia/doc?id=27