សូមថ្លែងអំណរគុណយ៉ាងជ្រាលជ្រៅចំពោះ ឯកឧត្តមបណ្ឌិត ខៀវ កាញារីទ្ធ អ្នកតំណាងរាស្ត្រ សម្រាប់នីតិកាលទី៧ នៃរដ្ឋសភា ក្នុងកាលដែលឯកឧត្តមបណ្ឌិត បានខិតខំលះបង់អស់ពីកម្លាំងកាយចិត្តអស់រយៈពេល៣០ឆ្នាំកន្លងមក ក្នុងសកម្មភាពដឹកនាំក្រសួងព័ត៌មានឱ្យរីកចម្រើន និងទទួលបាននូវសមិទ្ធផលល្អៗជាលំដាប់, ការធ្វើទំនើបកម្មព័ត៌មានបែបបច្ចេកវិទ្យាឌីជីថល ក្នុងការផ្សាព្វផ្សាយពីគោលនយោបាយ និងសកម្មភាពរបស់រាជរដ្ឋាភិបាលជូនដល់សារធារណជន ព្រមទាំងអប់រំ បណ្តុះបណ្តាលមន្ត្រីក្រោមឱវាទ យុវជន អ្នកសារព័ត៌មានឱ្យប្រកាន់ខ្ជាប់ខ្ជួននូវក្រមសីលធម៌ និងវិជ្ជាជីវៈក្នុងការបំពេញការងារ។

ក្នុងនាមប្រធានក្រុមប្រឹក្សាភិបាល ព្រមទាំងបុគ្គលិកទាំងអស់ នៃអង្គភាពសារព័ត៌មាន អេស.អ៊ឹម.អ៊ី សូមគោរពជូនពរ ឯកឧត្តមបណ្ឌិត និងលោកជំទាវ ព្រមទាំងបុត្រ សូមប្រកបដោយពុទ្ធពរទាំង ៤ ប្រការ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕