ភ្នំពេញ៖ សម្ដេចតេជោ ហ៊ុន សែន ប្រធានព្រឹទ្ធសភា បានមានប្រសាសន៍ថា ផលប្រយោជន៍ទី២ នៃគម្រោងព្រែកជីកហ្វូណនតេជោ នឹងទទួលបានប្រព័ន្ធស្រោចស្រពនាទិសនិរតីរបស់កម្ពុជា។ សម្តេចតេជោ ហ៊ុន សែន បានបន្តទៀតថា ការសាងសង់ព្រែកជីកហ្វូណនតេជោនេះ នឹងជួយដល់បណ្តាប្រទេសតាមអាងទន្លេមេគង្គទទួលបាននូវភាពបៃតង។

«ការកសាងគម្រោងព្រែកជីកហ្វូណនតេជោ ដែលបង្កើតបាននូវប្រព័ន្ធស្រោចស្រពនៅភាគនិរតីនេះ នឹងជួយឱ្យប្រជាពលរដ្ឋអាចបង្កើតបាននូវមុខរបរពីការធ្វើស្រែម្ដង ទៅជាការធ្វើស្រែចម្ការបានដល់ទៅ២ដង ក្នុងនោះដំណាំដាំដុះ អាចមានខួបប្រាំងខួបវស្សានៅតាមបណ្ដោយព្រែក និងប្រព័ន្ធប្រឡាយដែលអាចមានចេញពីព្រែកនេះ»។ សម្តេចតេជោ ប្រធានព្រឹទ្ធសភា បានលើកឡើងបែបនេះ នៅក្នុងការថ្លែងសារពិសេសពាក់ព័ន្ធព្រែកជីកហ្វូណនតេជោ នាថ្ងៃទី១៦ ខែឧសភា ឆ្នាំ២០២៤។

ក្នុងការថ្លែងពាក់ព័ន្ធព្រែកជីកហ្វូណនតេជោនេះ សម្ដេចតេជោ ហ៊ុន សែន បានបញ្ជាក់ថា តាមរយៈព្រែកជីកហ្វូណននេះ នឹងធ្វើឱ្យកម្ពុជាមានប្រព័ន្ធស្រោចស្រពដល់ល្អ ពិសេសដំណាំដាំដុះ អាចនឹងមានការផ្គត់ផ្គង់ទីផ្សារគ្រប់គ្រាន់ ក្នុងនោះប្រជាពលរដ្ឋរបស់កម្ពុជា នឹងមានទឹកគ្រប់គ្រាន់ក្នុងការដាំដុះទៀតផង៕​https://www.youtube.com/watch?v=pjfX_Xs3qVM