ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ នឹងនាំយកកាសការងារ ៩១ ២១៥កន្លែង សម្រាប់អ្នកខេត្តបាត់ដំបង នៅថ្ងៃទី៥-៦ ខែមិថុនា ឆ្នាំ២០២៦ ក្នុងវេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ។

ចំពោះ ប្រជាពលរដ្ឋ ដែលជាអតីតពលករដែលវិលត្រឡប់មកកម្ពុជាវិញ យុវជន និងអ្នកស្វែងរកការងារ អាចដាក់ពាក្យ និងសម្ភាសការងារភ្លាមៗផ្ទាល់នៅទីតាំងទាំង២ ចាប់ពីម៉ោង ៨ព្រឹក ដល់ម៉ោង ៣រសៀល រួមមាន៖ នៅថ្ងៃទី៥ ខែមិថុនា ឆ្នាំ២០២៦ នៅក្នុងបរិវេណវត្តឧត្តមមានជ័យសិរីមុន្នី (វត្តស្តុកប្រវឹក) ស្រុករុក្ខគីរី និងថ្ងៃទី៦ ខែមិថុនា ឆ្នាំ២០២៦ នៅក្នុងបរិវេណវិទ្យាល័យសង្កែ ស្រុកសង្កែ។

ប្រជាពលេដ្ឋ ដែលជាអតីតពលករ ដែលមានបំណងស្វែងរកការងារ នឹងទទួលបាន «ការដឹកជញ្ជូនចូលរួមកម្មវិធី អាហារ និងភេសជ្ជៈ» ដោយឥតគិតថ្លៃ ហើយចំពោះ ព័ត៌មានបន្ថែម អាចទាក់ទងមកលេខទូរស័ព្ទ ១២៩៧៕