ភ្នំពេញ៖ ចាប់ពីថ្ងៃទី១១ ដល់១៧ ខែកញ្ញានេះ កម្ពុជា នឹងមានភ្លៀងធ្លាក់ក្នុងកម្រិតខ្សោយទៅមធ្យមនៅតំបន់ទំនាបកកណ្តាល និងតំបន់ខ្ពង់រាប ខណៈដែលតំបន់មាត់សមុទ្រ នឹងមានភ្លៀងធ្លាក់ពីកម្រិតតិចទៅមធ្យម ដោយមានខ្យល់និងរលកសមុទ្រពីធម្យធទៅបង្គួរផងដែរ។

បើតាមការព្យាករណ៍របស់ក្រសួងធនធានទឹក និងឧតុនិយម នៅថ្ងៃទី១១ ខែកញ្ញា ឆ្នាំ២០២៣នេះ ដែលបណ្តាលឱ្យ កម្ពុជា មានភ្លៀងធ្លាប់ក្នុងរយៈពេល៦ថ្ងៃនោះ ដោយសារទទួលឥទ្ធិពលខ្សោយពីប្រព័ន្ធសម្ពាធទាប Intertropical Convergence Zone (ITCZ) ដែលបានអូសបន្លាយលើភាគខាងជើងនៃប្រទេសឡាវ និងវៀតណាម ជាមួយនឹងខ្យល់មូសុងនិរតីមធ្យមទៅបង្គួរ។

សេចក្តីជូនដំណឹងរបស់ក្រសួងធនធានទឹក និងឧតុនិយម បានឱ្យដឹងទៀតថា នៅតំបន់ទំនាកណ្តាលដែលមានភ្នំពេញ និងបណ្តាខេត្តនៅភាគខាងត្បូង នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យម ខណៈដែលបណ្តាខេត្តដទៃទៀត និងនៅតំបន់ខ្ពស់រាបរបស់កម្ពុជា ក៏នឹងអាចមានភ្លៀងធ្លាក់នៅក្នុងកម្រិតដូចគ្នា។

ដោយឡែក នៅតំបន់មាត់សមុទ្ររបស់កម្ពុជាវិញ អាចនឹងមានភ្លៀងធ្លាក់នៅក្នុងកម្រិតពីខ្សោយទៅធម្យម និងនៅលើផ្ទៃសមុទ្រនឹងអាចមានភ្លៀង ខ្យល់ និងរលកសមុទ្រពីធម្យមទៅបង្គួរ៕