ភ្នំពេញ៖ Wi-Fi សាធារណៈ (Public Wi-Fi) មិនមែនគ្រោះថ្នាក់ជានិច្ចនោះទេ។ Wi-Fi សាធារណៈ គឺយើងអាចប្រើបាន ប៉ុន្តែត្រូវប្រុងប្រយ័ត្ន និងប្រើប្រាស់ដោយមានចំណេះដឹងសុវត្ថិភាព ដូចខាងក្រោម៖

ត្រូវប្រើ VPN នៅពេលភ្ជាប់ទៅ Wi-Fi សាធារណៈ ដើម្បីធ្វើឱ្យការតភ្ជាប់របស់អ្នក មានកូដនីយកម្ម (Encrypt Connection), ពិនិត្យសញ្ញា HTTPS នៅលើគេហទំព័រដែលអ្នកចូលប្រើ ដើម្បីបញ្ជាក់ថាវាមានសុវត្ថិភាព, បិទមុខងារ Auto-Connect ដើម្បីជៀសវាងការភ្ជាប់ស្វ័យប្រវត្តិទៅ Wi-Fi ដែលមិនស្គាល់និងពេលភ្ជាប់ Wi-Fi សាធារណៈ ត្រូវជ្រើសរើស connect ដោយខ្លួនឯង។

ជាមួយគ្នានេះ ត្រូវប្រើ Mobile Data សម្រាប់ប្រតិបត្តិការផ្នែក Banking ឬ Shopping ដោយប្រើបណ្តាញ 4G/5G និង Forget Network បន្ទាប់ពីប្រើរួច ដើម្បីបញ្ឈប់ការភ្ជាប់ស្វ័យប្រវត្តិ និងការចូលប្រើម្តងទៀតដោយមិនចង់បាន។ នេះបើតាមការឱ្យដឹងពីគេហទំព័រកម្ពុជាឆ្ពោះទៅឌីជីថល៕