ភ្នំពេញ៖ រដ្ឋាករស្វយ័តដឹកជញ្ជូនសាធារណៈរថយន្តក្រុង City Bus រាជធានីភ្នំពេញ បានឱ្យដឹងថា ការកែសម្រួលនៅប្រព័ន្ធគ្រប់គ្រងម៉ាស៊ីនមេ ( Server ) បានធ្វើឱ្យកម្មវិធីតាមដានប្រតិបត្តិការមួយចំនួន ដែលមិនអាចមើលឃើញរថយន្តក្រុង តាមកម្មវិធីទូរស័ព្ទដៃ (Mobile App)។

បើតាមការចុះផ្សាយរបស់រដ្ឋាករស្វយ័តដឹកជញ្ជូនសាធារណៈរថយន្តក្រុង City Bus រាជធានីភ្នំពេញ កាលពីថ្ងៃទី១៨ ខែមិថុនា ឆ្នាំ២០២៥ បានបញ្ជាក់ថា ទាក់ទងនឹងបញ្ហានេះ ក្រុមការងារកំពុងជួសជុល និងកែលម្អឱ្យបានរួចរាល់ក្នុងពេលឆាប់ៗខាងមុខនេះ។ ជាមួយគ្នានេះ រដ្ឋាករស្វយ័តដឹកជញ្ជូនសាធារណៈ បានអំពាវនាវឱ្យប្រជាពលរដ្ឋចូលរួមធ្វើដំណើរតាមរថយន្តក្រុងសាធារណៈ (City Bus) រាជធានីភ្នំពេញ ដើម្បីកាត់បន្ថយគ្រោះថា្នក់ចរាចរណ៍ ការកកស្ទះចរាចរណ៍ សន្សំសំចៃថវិកា និងកាត់បន្ថយការបំពុលបរិស្ថាន៕