ភ្នំពេញ៖ ការប្រើប្រាស់ Blockchain ក្នុងប្រតិបត្តិការហិរញ្ញាវត្ថុមានគោលបំណងបង្កើនល្បឿន, កែលម្អសុវត្ថិភាព និងកាត់បន្ថយការចំណាយ។ បច្ចេកវិទ្យានេះ អនុញ្ញាតឱ្យការធ្វើប្រតិបត្តិការហិរញ្ញវត្ថុក្នុង និងក្រៅស្រុកបានលឿនជាងមុន ដោយលុបបំបាត់អន្តរការី។

សម្រាប់បច្ចេកវិទ្យា Blockchain អ្នកប្រើប្រាស់នីមួយៗ អាចផ្ទុកទិន្នន័យរបស់ខ្លួនបានដោយសុវត្ថិភាពនិងមានលេខកូដសម្ងាត់ផ្ទាល់ខ្លួន ដោយនៅពេលដែលចង់ផ្ទេរប្រាក់ អ្នកប្រើប្រាស់អាចផ្ទេរបានដោយមិនចាបាច់មានជនទី៣ ឬធនាគារជួយសម្របសម្រួលទេ ពោលគឺអ្នកប្រើប្រាស់ម្នាក់ៗអាចធ្វើប្រតិបត្តិការដោយខ្លួនឯងតែម្តង។

ឧទាហរណ៍ថា អ្នកប្រើប្រាស់ម្នាក់ៗសុទ្ធតែមានគណនី ឬ Wallet ក្នុងដៃរៀងៗខ្លួន ប៉ុន្តែពេលផ្ទេរប្រាក់ម្តងៗ គឺត្រូវឆ្លងកាត់ធនាគារសិន ហើយធនាគារមានសិទ្ធិមើល និងគ្រប់គ្រងទិន្នន័យរបស់អ្នកប្រើប្រាស់ទាំងអស់ និងគិតថ្លៃសេវាធនាគារពេលផ្ញើប្រាក់ជាដើម។ នេះបើតាមការចែករំលែករបស់ គេហទំព័រកម្ពុជា ៤.០៕