ភ្នំពេញ៖ Blockchain ឯកជន (Private Blockchain) ជាប្រភេទមិនមានលក្ខណៈវិមជ្ឈការដូច Blockchain សាធារណៈទេ ដោយមានតែអ្នកចូលរួមដែលបានជ្រើសរើសប៉ុណ្ណោះ ទើបអាចចូលរួមក្នុងបណ្តាញ Blockchain នេះ ដែលធ្វើឱ្យ Blockchain ឯកជន មានសុវត្ថិភាពជាងប្រភេទផ្សេងៗទៀត។

ចំពោះ កម្រិតនៃសុវត្ថិភាព ការអនុញ្ញាត និងលទ្ធភាពប្រើប្រាស់ របស់ Blockchain ឯកជន គឺស្ថិតនៅក្នុងដៃរបស់ស្ថាប័នគ្រប់គ្រង។ ការប្រើប្រាស់ Blockchain ឯកជន គឺស្រដៀងគ្នាទៅនឹង Blockchain សាធារណៈដែរ ប៉ុន្តែមានបណ្តាញតូច ដែលធ្វើឱ្យដំណើរការប្រតិបត្តិការក្នុងបណ្ដាញមានល្បឿនលឿន និងប្រសើរឡើង ក៏ដូចជាមានការរឹតបន្តឹងជាង Blockchain សាធារណៈ ដែលជួយបង្កើនកម្រិតនៃឯកជនភាព និងរក្សាការសម្ងាត់៕