ភ្នំពេញ៖ ក្រសួងពាណិជ្ជកម្ម ជំរុញឱ្យពាណិជ្ជករ និងសាធារណជន ចូលរួមវេទិកា «The Belt and Road New Energy Vehicle Offshore Forum 2025» នៅប្រទេសចិន ដើម្បីទទួលបានចំណេះដឹងថ្មី ពីការរៀបចំម៉ាកសញ្ញារថយន្តប្រើប្រាស់ថាមពលថ្មីរបស់ចិន ការឈានចូលទីផ្សារ និងវិធានការបច្ចេកទេសពាណិជ្ជកម្ម កិច្ចសហប្រតិបត្តិការអន្តរជាតិនិងសកលភាវូបនីយកម្មជាដើម។

វេទិកា ដែលនឹងរៀបចំឡើងដោយសមាគមផលិតរថយន្តអគ្គិសនីចិន នៅថ្ងៃទី១៩ ខែមិថុនា ឆ្នាំ២០២៥ នៅទីក្រុងហាងចូវ ខេត្តជីជាំង គឺជាកម្មវិធីអមនៃព្រឹត្តិការណ៍ពិព័រណ៍រថយន្តប្រើប្រាស់ថាមពលថ្មីឆ្លាតវៃអន្តរជាតិហាងចូវ ព្រមទាំងមានការចូលរួមពីវាគ្មិន ដែលមានបទពិសោធន៍មកពីបណ្តាក្រុមហ៊ុន ផលិតរថយន្តអគ្គិសនីឆ្លាតវៃផងដែរ។

ចំពោះពាណិជ្ជករ និងសាធារណជន ដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ អាចទំនាក់ទំនងមកបំពេញបែបបទ តាមរយៈលេខទូរសព្ទ (+៨៦) ១៨២២១៤៣១៨២៥ ឬ (+៨៦) ១៣៩១៦៨៦៨០៣៩ ឬអ៊ីម៉ែល [email protected] ។ សម្រាប់ព័ត៌មានបន្ថែម អាចទាក់ទងមកមន្ត្រីសម្របសម្រួល តាមលេខ +៨៥៥ ១២ ៧៧៧ ៩៥៩ / +៨៥៥ ៨៩ ៩១១ ១០១ ឬអ៊ីម៉ែល [email protected] /[email protected] ៕